आम निर्वाचन २०७९ मा अपाङ्गता भएका व्यक्तिहरूको पहुँच र सहभागिताअपाङ्गता भएका व्यक्तिहरूको पहुँच र सहभागिता

नेत्रहीन युवा संघ नेपाल (बायन)ले आइएफईएसको सहयोगमा आम निर्वाचन २०७९ मा अपाङ्गता भएका व्यक्तिहरूको पहुँच र सहभागिता सम्बन्धी स्वतन्त्र अध्ययन गरेको छ। यस अध्ययनले नेपालका सातै प्रदेशका १६ जिल्लाका ३५३ मतदान केन्द्र रहेका १०१ मतदानस्थलमा निर्वाचन पहुँचयुक्तता सम्बन्धी पर्यवेक्षण गरेको थियो। नेपालमा अपाङ्गता भएका व्यक्तिहरूको निर्वाचन सम्बन्धी हकको संवैधानिक र कानुनी प्रत्याभूति हुँदाहुँदै पनि उनीहरूले भौतिक पूर्वाधारजन्य, प्रणालीगत, कानुनी, संचारजन्य तथा सोचजन्य अवरोधहरूको सामना गर्नुपरिरहेको छ।